لاہور :(بیوروچیف/سید ظہیر نقوی)ینگ ڈاکٹرز ایسوسی ایشن (YDA) چلڈرن ہسپتال کے زیرِ اہتمام جنوری اور جولائی 2022 کے بیچز سے تعلق رکھنے والے ڈاکٹروں کے اعزاز میں شاندار اور پروقار الوداعی (Farewell) تقریب کا انعقاد کیا گیا۔ تقریب کا بنیادی مقصد فارغ التحصیل ہونے والے ڈاکٹروں کی طبی خدمات، بے لوث محنت اور ہسپتال کے لیے ان کی گراں قدر کاوشوں کو خراجِ تحسین پیش کرنا تھا۔
نمایاں مہمانانِ گرامی اور منتظمین
اس پروقار تقریب میں YDA کے سابق صدر ڈاکٹر عدیل بھٹی اور ڈاکٹر احمد یار نے بطور مہمانِ خصوصی شرکت کی اور اپنے خطاب میں فارغ التحصیل ہونے والے ڈاکٹرز کو مبارکباد دی۔ تقریب کو منظم کرنے اور اسے کامیاب بنانے میں YDA کے فعال ممبران ڈاکٹر فیض رسول گجر، ڈاکٹر منیب زمان، اور ڈاکٹر فرقان سعد گوندل نے مرکزی کردار ادا کیا۔
تقریب کے اہم مقاصد میں ڈاکٹرز کی طبی خدمات کا اعتراف تھا تقریب میں ڈاکٹروں کی انسانیت کے لیے کی جانے والی محنت اور شب و روز کی خدمات کو سراہا گیا۔
تقریب میں فارغ التحصیل ڈاکٹروں کے روشن اور کامیاب پیشہ ورانہ مستقبل کے لیے خصوصی دعااور نیک تمنائوں کا بھی اظہار کیا گیا۔
ینگ ڈاکٹرز اوررہنمائوں نے باہمی اتحاد کے فروغ سمیت یکجہتی، اتحاد اور بھائی چارے کے جذبے کو مزید مضبوط بنانے پر زور دیا ۔
تقریب کے اختتام پر مہمانانِ گرامی نے فارغ التحصیل ڈاکٹروں کو یادگاری شیلڈز اور تحائف پیش کیے اور ان کے اگلے سفر کے لیے نیک خواہشات کا اظہار کیا۔
