رومانوی فلم ’نیلوفر‘ ریلیز! فواد اور ماہرہ کی جوڑی کی دھوم
لاہور (کلچرل رپورٹر)”انتظار کی گھڑیاں ختم، ڈسٹری بیوشن کلب کے پلیٹ فارم سے رومانوی فلم ”نیلوفر“پاکستان بھر کے سینماؤں کی زینت بن گئی۔
ڈسٹری بیوشن کلب، پاکستان کی سرِفہرست فلم ڈسٹری بیوشن کمپنیوں میں سے ایک ہونے کے ناطے ملک بھر کے سنیما ناظرین کے لیے اعلیٰ معیار کی مقامی اور غیر ملکی فلمیں پیش کرنے کی روایت برقرار رکھے ہوئے ہے۔
اسی سلسلے کو آگے بڑھاتے ہوئے، ڈسٹری بیوشن کلب سال کی سب سے زیادہ انتظار کی جانے والی فلم نیلوفر ریلیز کردیا ہے جس میں پاکستان کی مقبول ترین آن اسکرین رومانوی جوڑی فواد خان اور ماہرہ خان کے ساتھ ساتھ صفِ اوّل کے فنکار مرکزی کرداروں میں جلوہ گر ہوئے ہیں۔سٹار جوڑی فوادخان اور ماہرہ خان کے باعث ”نیلوفر“ سال رواں میں لالی وڈ کی سب سے بڑی فلم ہے جس کیلئے شائقین اور فلمی دنیا میں بے پناہ جوش و خروش دیکھنے میں آ رہا ہے۔
یہ بھی پڑھیں:قوال بدرعلی اور بہادرعلی کی جاپان،قاہرہ میں شاندارپرفارمنس،سماں باندھ دیا
ڈسٹری بیوشن کلب پورے پاکستان میں نیلوفر کو بڑی تعداد میں سنیما اسکرینز پر ریلیز کرنے پر فخر محسوس کرتا ہے۔ ملک بھر میں 300 سے زائد شوز کے ساتھ، فلم کی زیادہ سے زیادہ رسائی یقینی بنائی گئی ہے۔ ملک کے 48 سنیما گھروں میں اسکرینز کی مجموعی تعداد 100 سے زائد ہے۔
فلم کی پروڈکشن اور ڈسٹری بیوشن ٹیم کے درمیان بہترین ہم آہنگی اور مضبوط تعاون اس حقیقت کا عکاس ہے کہ تمام اسٹیک ہولڈرز اس ریلیز کو قومی سطح پر کامیاب بنانے کیلئے یکساں طور پر پرعزم ہیں۔ ہم فلم کی کامیاب ریلیز کے لیے آپ کی نیک خواہشات اور تعاون کے شکرگزار ہیں۔ ڈسٹری بیوشن کلب آنے والے مہینوں میں مقامی اور بین الاقوامی فلموں کی ایک مضبوط لائن اپ پیش کرنے جا رہا ہے، اور نیلوفر اس سلسلے کی پہلی کڑی ہے۔
