لاڑکانہ(ویب ڈیسک ) ڈمپر کی ٹکر سے موٹرسائیکل سوار ماں بیٹا جاں بحق ہوگئے۔
افسوسناک حادثہ اﷲ آباد کے علاقے میں پیش آیا جہاں تیز رفتار ڈمپر نے موٹرسائیکل سواروں کو بری طرح کچل ڈالا۔
حادثے میں ماں اور 12 سالہ بیٹا موقع پر دم توڑ گئے جبکہ باپ اور 5 سالہ بیٹی شدید زخمی ہو گئے۔
اطلاع ملنے پر ریسکیوٹیمیں موقع پر پہنچ گئی اور زخمیوں اور لاشوں کو ہسپتال منتقل کر دیا۔
پولیس کے مطابق موٹر سائیکل سوار فیملی لاڑکانہ سے دوائی لے کر آبائی شہر ڈوکری جا رہی تھی۔
