لاہور(ویب ڈیسک ) یوٹیلیٹی اسٹورز کارپوریشن (یو ایس سی) نے جمعرات کو ملک بھر میں چینی کی قیمتوں میں کمی کردی۔یوٹیلیٹی سٹورز کارپوریشن نے چینی کی قیمت میں 13 روپے فی کلو کمی کر دی ہے جس کے بعد نئی قیمت 140 روپے فی کلو ہو گئی ہے، جس کا اطلاق فوری طور پر ہو گا۔اس سے قبل یوٹیلیٹی سٹورز پر چینی 153 روپے فی کلو فروخت ہو رہی تھی۔
کارپوریشن نے شوگر ملوں سے چینی کی قیمت کم کرنے کی درخواست کی تھی جس کے جواب میں شوگر مل مالکان نے قیمت میں 17 روپے فی کلو کمی پر آمادگی ظاہر کی تھی۔
تاہم، اضافی اخراجات شامل کرنے کے بعد، کارپوریشن نے چینی کے لیے تقریباً 152 روپے فی کلو گرام ادا کرنا شروع کر دیا۔قبل ازیں وزیراعلیٰ پنجاب مریم نواز شریف نے صوبے میں گندم اور چاول کی پیداوار میں نمایاں اضافے کی پیش گوئی کی ہے۔
انہوں نے چاول کی برآمدات میں اضافے کے ساتھ ساتھ گندم کی پیداوار میں 30 فیصد کے ممکنہ اضافے پر روشنی ڈالی، جو اس سال 5 بلین ڈالر تک پہنچنے کی توقع ہے۔
حکومت ٹماٹر اور پیاز جیسی فصلوں کی آف سیزن کاشت پر بھی توجہ دے رہی ہے، ساتھ ہی کسانوں کو سبسڈی والے بیج، مشینری اور زرعی پیداوار بڑھانے کے لیے رہنمائی فراہم کی جا رہی ہے۔
