اسلام آباد:(ویب ڈیسک)اسلام آباد ہائی کورٹ نے توہینِ مذہب کے مقدمات کی تحقیقات کے لیے کمیشن تشکیل دینے کی درخواستیں منظور کر لیں۔جسٹس سردار اعجاز اسحاق نے وفاقی حکومت کو 30 دن میں کمیشن تشکیل دینے کا حکم دیدیا۔
عدالتِ عالیہ نے حکمنامے میں کہا وفاقی حکومت کا تشکیل کردہ کمیشن 4 ماہ میں کارروائی مکمل کرکے رپورٹ پیش کرےگا، کمیشن کو اگر مزید وقت چاہیے ہو تو عدالت سے رجوع کر سکتا ہے۔
کمیشن کا قیام ملک میں توہینِ مذہب کے غلط استعمال کو روکنے اور شفاف تحقیقات کو یقینی بنانے کے لیے ناگزیر ہے۔ وفاقی حکومت کو ہدایت کی جاتی ہے کہ وہ ایک ایسا کمیشن تشکیل دے جو توہینِ مذہب سے متعلق مقدمات کا تفصیلی جائزہ لے۔
