لاہور(ویب ڈیسک )آل پاکستان انجمن تاجران نے سموگ کی صورتحال بہتر ہونے پر حکومت سے کاروبار رات 10بجے تک کھلا رکھنے کی اجازت اورجمعہ، ہفتہ اوراتوار لاک ڈائون کے فیصلے کو واپس لینے کی اپیل کرتے ہوئے کہا ہے کہ تاجر طبقہ پہلے ہی پسا ہوا ہے جو اس طرح کی سخت پابندیوں کا متحمل نہیں ہو سکتا۔ صدر اشرف بھٹی نے پریس کانفرنس میں کہا کہ سموگ کی صورتحال بہتر ہونے پر ریسٹورنٹس کے اوقات کار بڑھا دئیے گئے ہیں لیکن دوسرے کاروباروں کیلئے اوقات کار کی پابندی کو بر قرار رکھا گیا ہے جو نا انصافی ہے ۔
