لاہور(کرائم رپورٹر)صوبائی دارالحکومت لاہور شہر کے مختلف مقامات سے سے نومولود سمیت 6افراد کی لاشیں برآمد ہوئی ہیں۔ ایدھی فائونڈیشن کے ترجمان کے مطابق نشتر کالونی سے50 سالہ شخص گاڑی میں مردہ حالت میں ملا جس کی شناخت جاوید اسلم کے نام سے ہوئی جو نشے کی زیادتی کے باعث جاں بحق ہوا۔فیکٹری ایریا سے نومولود کی لاش برآمد ہوئی ۔ کوٹ لکھپت میں فٹ پاتھ کنارے سے 40 سالہ نامعلوم شخص کی لاش برآمد ہوئی ۔مون مارکیٹ کے قریب سے50 سالہ نامعلوم شخص مردہ حالت میں ملا۔ داتا دربار گیٹ نمبر 5 لنگر خانے سے 65 سالہ بزرگ شہری مردہ حالت میں ملا۔شادمان کے علاقے سے بےہوشی کی حالت میں ملنے والا 45 سالہ شخص دوران علاج دم توڑ گیا۔ پولیس کارروائی کے بعد لاشیں ایدھی ایمبولینس کے ذریعے مردہ خانے منتقل کر دی گئیں۔
