لاہور (سلمان حسین) وزیراعلیٰ پنجاب Maryam Nawaz Sharif نے ’’معرکہ حق‘‘ کی کامیابی کا ایک سال مکمل ہونے پر اظہارِ تشکر کرتے ہوئے کہا ہے کہ ’’8-0‘‘ کا یہ تاریخی معرکہ دشمن کبھی فراموش نہیں کر پائے گا۔ انہوں نے معرکہ حق کے ہیروز کو خراجِ عقیدت پیش کرتے ہوئے کہا کہ پاکستانی عوام، حکومت اور افواجِ پاکستان نے بنیان مرصوص بن کر دشمن کو شکست دی۔
وزیراعلیٰ پنجاب نے وزیراعظم Shehbaz Sharif، فیلڈ مارشل Asim Munir، ایئر چیف Zaheer Ahmed Baber Sidhu اور نیول چیف Naveed Ashraf کو زبردست خراجِ تحسین پیش کیا۔ انہوں نے کہا کہ پاکستان کی فتح اور بھارت کی شکست کی گواہی دنیا نے دی اور یہ حقیقت ہمیشہ یاد رکھی جائے گی۔
مریم نواز کا کہنا تھا کہ معرکہ حق نے ثابت کیا کہ پاکستانی قوم امن پسند ضرور ہے مگر وقت آنے پر بنیان مرصوص بن کر دشمن کے سامنے سیسہ پلائی دیوار ثابت ہوتی ہے۔ انہوں نے کہا کہ پاک افواج کی پیشہ ورانہ مہارت اور قوم کے اتحاد نے دشمن کو سر جھکانے پر مجبور کر دیا۔
وزیراعلیٰ نے کہا کہ آج ملک بھر میں معرکہ حق کی کامیابی کا جشن منایا جا رہا ہے اور پنجاب کے ہر شہر، گاؤں اور کوچے میں عوام خوشی کا اظہار کر رہے ہیں۔ طلبہ، اساتذہ، تاجروں، وکلا، سیاستدانوں اور کسانوں سمیت پوری قوم اپنی افواج کے شانہ بشانہ کھڑی ہے۔
مہاجر پرندوں کے عالمی دن پر پیغام
علاوہ ازیں، مہاجر پرندوں کے عالمی دن کے موقع پر اپنے خصوصی پیغام میں مریم نواز نے کہا کہ مہاجر پرندے قدرت کا حسین اور قیمتی تحفہ ہیں جو ماحول کے حسن میں اضافہ کرتے ہیں۔ انہوں نے کہا کہ یہ پرندے ماحولیاتی توازن برقرار رکھنے اور زمین کی زرخیزی میں اہم کردار ادا کرتے ہیں۔
وزیراعلیٰ پنجاب نے کہا کہ مہاجر پرندوں سمیت قدرتی حیاتیاتی اثاثوں کے تحفظ کے لیے پنجاب حکومت مؤثر اقدامات کر رہی ہے جبکہ غیر قانونی شکار کے خلاف وائلڈ لائف فورس سرگرم عمل ہے۔ انہوں نے جنگلات کے تحفظ اور ماحول دوست پالیسیوں کو وقت کی اہم ضرورت قرار دیا۔
فتنہ الخوارج کے خلاف کامیاب کارروائیوں پر اظہار تشکر
مریم نواز نے ٹانک اور ڈیرہ اسماعیل خان میں فتنہ الخوارج کے خلاف کامیاب کارروائیوں پر سیکیورٹی فورسز کو خراجِ تحسین پیش کرتے ہوئے کہا کہ ملک دشمن عناصر کے خاتمے کے لیے پوری قوم افواجِ پاکستان کے ساتھ کھڑی ہے۔
