پرفیکٹ لیگیسی ریئل اسٹیٹ کی شارجہ میں نئی برانچ کا شاندار افتتاح
دبئی (ویب ڈیسک )پرفیکٹ لیگیسی ریئل اسٹیٹ یو اے ای نے شارجہ میں اپنی نئی برانچ کا باقاعدہ افتتاح کر دیا، جو متحدہ عرب امارات میں کمپنی کی توسیعی سرگرمیوں کے سفر میں ایک اہم سنگِ میل قرار دیا جا رہا ہے۔ عمران ٹاور، شارجہ میں قائم نئی برانچ شمالی امارات میں کمپنی کی موجودگی کو مزید مستحکم کرنے کے ساتھ ساتھ متحدہ عرب امارات کی تمام امارات میں برانچز قائم کرنے کے وسیع تر وژن کا حصہ ہے۔
افتتاحی تقریب میں معروف سماجی رہنماؤں، کاروباری شخصیات اور یو اے ای میں مقیم پاکستانی کمیونٹی کی ممتاز شخصیات نے شرکت کی۔ پاکستان سوشل سینٹر شارجہ کے صدر خالد حسین چوہدری نے بطور مہمانِ خصوصی شرکت کی۔ تقریب کے دوران ربن کٹنگ، کیک کٹنگ اور نئے دفتر کے دورے کا بھی اہتمام کیا گیا۔
تقریب کی میزبانی پرفیکٹ لیگیسی ریئل اسٹیٹ کے چیف ایگزیکٹو آفیسر مقبول احمد انجم اور منیجنگ ڈائریکٹر یاسمین کنول نے کی۔ دونوں نے مہمانوں سے خطاب کرتے ہوئے کمپنی کے سفر، توسیعی منصوبوں اور مستقبل کے وژن پر روشنی ڈالی۔
اس موقع پر یاسمین کنول نے یو اے ای کے ریئل اسٹیٹ شعبے میں اپنے سفر کا ذکر کرتے ہوئے بتایا کہ وہ شارجہ میں ریئل اسٹیٹ کمپنی کی مالک بننے والی پہلی پاکستانی خاتون ہیں۔ انہوں نے پرفیکٹ لیگیسی ریئل اسٹیٹ کے قیام کے دوران پیش آنے والی جدوجہد اور متحدہ عرب امارات بھر میں کمپنی کی موجودگی کو مزید وسعت دینے کے عزم کا اظہار کیا۔
افتتاحی تقریب میں خالد حسین چوہدری، سید سلیم اختر، عبدالمجید مغل، خالد بشیر چوہدری، خادم حسین عابد، میاں مطلوب، نصیر مغل، ڈاکٹر نورالصباح، مسز نبراس سہیل، بابر بھٹی، امجد علی سپیکس، ڈاکٹر ظفر طاہر، خلیل بنیری، سہیل گھمن، عباس جنجوعہ، عاشق نواز سردار، عبدالرزاق کنیال، ذوالفقار خواجہ، ساجد حسین، محمد ثقلین، زاہد محمود، حافظہ سعدیہ شبیر، شہباز بدر، نور زمان، مجاہد شاہ، راشد السالم، شاہد اقبال کاہلوں، انجینئر دانش حیدر، سمیع باجوہ، طیب باجوہ، سجاد عباسی، حافظ محمد شعیب، محمد شعیب، عابد شریف، شاہد بنگش، امتیاز بنگش، یٰسین امجد، امجد بٹ، ڈاکٹر وحید چوہدری، سیدہ کرن رحمان، جاوید طفیل، آصف رشید، شفیق صدیقی، کرامت سیارہ، وقاص گھمن اور طاہر منیر طاہر سمیت دیگر شخصیات نے شرکت کی۔
پرفیکٹ لیگیسی ریئل اسٹیٹ جائیداد کی خرید و فروخت، کرایہ داری اور پراپرٹی مینجمنٹ سمیت مختلف ریئل اسٹیٹ خدمات فراہم کرتی ہے۔ کمپنی مختلف پراپرٹی کیٹیگریز میں کام کرتے ہوئے گھروں کے مالکان، کرایہ داروں، سرمایہ کاروں اور پراپرٹی مالکان کو ان کی ضروریات کے مطابق خدمات اور حل فراہم کرتی ہے۔
اس موقع پر چیف ایگزیکٹو آفیسر مقبول احمد انجم نے مہمانوں، معاونین، کاروباری برادری اور میڈیا کا شکریہ ادا کیا۔ انہوں نے کہا کہ شارجہ برانچ کا آغاز محض ایک نئی برانچ کا افتتاح نہیں بلکہ ایک بڑے خواب کی جانب پہلا قدم ہے۔ پرفیکٹ لیگیسی ریئل اسٹیٹ متحدہ عرب امارات کے ہر کونے میں اعتماد، دیانت اور بہترین خدمت کے حوالے سے اپنی شناخت بنانے کے لیے پرعزم ہے۔
