بھارتی کون سی نامور اداکارائیں صرف میٹرک پاس؟،کرشمہ نےپانچویں میں کیوں چھوڑی پڑھائی؟
نئی دہلی:(ویب ڈیسک )بھارت میں ان دنوں بورڈ کے امتحانات کے نتائج کا اعلان کیا جا رہا ہے۔ گوا، بہار اور راجستھان کے بعد نتائج مدھیہ پردیش سے اتر پردیش آ رہے ہیں۔ لاکھوں طلبہ اپنے نتائج کے منتظر ہیں۔ بعض اوقات، کچھ طلباء امتحان میں ناکام ہونے یا کم نمبر حاصل کرنے کے بعد مایوس ہو جاتے ہیں۔ تو آئیے آپ کو کچھ ایسی اداکاراؤں کے بارے میں بتاتے ہیں جنہوں نے اسکول چھوڑ دیا تھا۔
بالی ووڈ میں چمکنے والے کئی ستارے اسکول کالج کی کتابوں سے زیادہ اسکرین پر اپنا جلوے بکھیرنا پسند کرتی ہیں ۔ کچھ تو اتنی جلدی کامیابی حاصل کرلیتے ہیں کہ وہ اپنی تعلیم مکمل کرنے کا انتظار نہیں کر سکتے۔ مختلف بورڈ کے نتائج قریب آنے کے ساتھ اور لاکھوں طلباء اپنے مستقبل کی پڑھائی اور کیریئر کے بارے میں فکر مند ہیں، ایسے میں آئیے کچھ بالی ووڈ اداکاراؤں پر ایک نظر ڈالتے ہیں جنہوں نے اسکول چھوڑ دیا۔ ان میں سے ایک نے صرف پانچویں جماعت تک تعلیم حاصل کی۔
معروف اداکارہ عالیہ بھٹ نے 10 ویں جماعت پاس کی لیکن 12 ویں مکمل کرنے کا انتظار نہیں کیا۔ انہوں نے اسٹوڈنٹ آف دی ایئر کے لیے تیاری شروع کی اور 2012 میں فلمی کیریئر کا آغاز کیا۔ جب یہ فلم ہٹ ہو گئی تو عالیہ نے اپنی پڑھائی کو خیرباد کہہ دیا اور پوری توجہ اپنے کیریئر پر مرکوز کر دی۔ آج ان کا شمار بالی ووڈ کی ٹاپ اداکاراؤں میں ہوتا ہے۔
دنیا سے رخصت ہوچکی بالی ووڈ سپر اسٹار سری دیوی کو پڑھائی میں کوئی خاص دلچسپی نہیں تھی۔ انہوں نے دسویں جماعت کے بعد تعلیم چھوڑ دی اور پوری توجہ فلموں پر مرکوز کر دی۔ انہوں نے کم عمری میں کام کرنا شروع کیا اور جلد ہی انڈسٹری کی سب سے بڑی اداکاراؤں میں سے ایک بن گئیں ۔
سونم کپور کی تعلیم: سونم کپور نے بھی اپنی 12ویں جماعت مکمل نہیں کی۔ ایک انٹرویو میں، انہوں نے خود بتایا کہ وہ چار سال انتظار نہیں کر سکتی تھیں، اس لیے انہوں نے 12ویں جماعت کی پڑھائی چھوڑ دی اور اداکارہ بن گئیں۔ سونم نے فیشن اور اداکاری دونوں میں اپنی پہچان بنائی ہے۔
کترینہ کیف کی کہانی کچھ مختلف ہے۔ ان کا خاندان اکثر ملک سے دوسرے ملک منتقل ہوتا تھا، اس لیے وہ کبھی اسکول نہیں گئیں ۔ انہوں نے گھر پر ٹیوٹرز کے ذریعہ تعلیم حاصل کی اور بہت چھوٹی عمر میں ہی ماڈلنگ شروع کر دی۔ اسکول کی ڈگری نہ ہونے کے باوجود وہ آج بالی ووڈ کی کامیاب ترین اداکاراؤں میں سے ایک ہیں۔
کاجول کی تعلیم: کاجول نے 16 سال کی عمر میں فلم بے خودی سے ڈیبیو کیا۔ اس کے بعد انہوں نے ایک سپر ہٹ فلم بازیگر میں شاہ رخ خان کے ساتھ کام کیا۔ کامیابی حاصل کرنے کے بعد، کاجول نے اپنی 12ویں جماعت کی پڑھائی چھوڑ دی اور خود کو مکمل طور پر اداکاری کے لیے وقف کر دیا۔
کنگنا رناوت نے 12ویں جماعت میں کیمسٹری یونٹ کے امتحان میں ناکام ہونے کے بعد اسکول چھوڑ دیا۔ صرف 16 سال کی عمر میں، وہ گھر چھوڑ کر دہلی چلی گئیں اور ماڈلنگ اور اداکاری میں اپنا کیریئر بنا لیا۔ انہوں نے کبھی کالج میں پڑھائی نہیں کی اور براہ راست بالی ووڈ میں قدم رکھا۔ آج اپنی محنت اور قابلیت سے وہ ایک مضبوط اداکارہ بن چکی ہیں۔
اس فہرست میں سب سے حیران کن نام کرشمہ کپور کا ہے۔ میڈیا رپورٹس کے مطابق کرشمہ نے صرف پانچویں جماعت تک تعلیم حاصل کی۔ انہوں نے چھٹی جماعت میں تعلیم چھوڑ دی اور اداکاری کی دنیا میں قدم رکھا۔ انہوں نے چھوٹی عمر میں کام کرنا شروع کیا اور جلد ہی ایک ٹاپ اداکارہ بن گئیں ۔
دیپیکا پڈوکون نے اپنی 12 ویں جماعت کی تعلیم مکمل کی لیکن ماؤنٹ کارمل کالج، بنگلور میں اپنا بی اے چھوڑ دیا۔ انہوں نے ماڈلنگ اور اداکاری کو ترجیح دی۔ بعد میں، انہوں نے فاصلاتی تعلیم کے ذریعے کورس مکمل کرنے کی کوشش کی، لیکن اسے بھی مکمل کرنے میں ناکام رہیں ۔ دیپیکا نے خود ایک انٹرویو میں بتایا کہ انہوں نے صرف 12ویں پاس کی ہے۔
یہ تمام ہیروئن ثابت کرتی ہیں کہ تعلیم کا روایتی راستہ چھوڑ کر بھی اگر آپ کے پاس ٹیلنٹ، محنت اور جذبہ ہو تو خواب پورے ہو سکتے ہیں۔ لیکن ہاں، آج کے دور میں پڑھائی کی اپنی اہمیت ہے۔
